Night更duty的趣事
Night 更多數有三個姑娘返工
時間由（21-07）
十個鐘頭的困獸鬥入面要care 40-60個病人
會有兩個病人助理（姐姐）返工
夜晚個人已經好累 又要去睇排板睇case
情況差的病人睇少眼 都驚情況急轉直下
呼吸機會噹噹噹～噹噹噹～
多數因為喉有痰 要抽下痰
但都有可能係病人拔左條喉（最壞原因）
所以每次機叫 都要去應
又會有病人不便落床 要用PAN去痾尿尿
又按叫人鐘～BE~~~~~~~~~
最可怕就係夜晚收症入院😢
你都咪話唔累！
大佬 返night 21-07 但我地一定係AN
即你返7-14 than 21-7
真係爆晒肝！命都短幾年
前晚有個呀叔住老人院新入院
零晨時分入院 生寶床又訓唔著
就在我岩岩收完個屎pan 同換完屎片
同我講 佢想傾下計 訓唔著
我果下都明佢覺得悶 同埋佢老伴岩岩過身自己又病左入院～ 想搵人傾下計
但果個明顯不是個好moment
因為真係忙到一個點！
最後 放工行經過見到叔叔已經訓左了
如果有時間 關心下老人家 係必要的
佢地住在老人院已經悶 又有病個身子
應該會覺得好孤單好無希望
簡單同佢講少少野傾下計
聽下佢地話當年 已經好足夠！
依一點坦白講 student nurse好多都做到
佢地會噓寒問暖咁同病人傾計
我都好想自己快快手手做完野
可能陪下婆仔話當年～
Search